أجمل أبيات شعر شايقي

ثوب جديد وادارة جديدة [ الكاتب : المنذر محمد المبارك - آخر الردود : مهند الشايقى - ]       »     دفتر الحضور اليومي !!!! [ الكاتب : الناصرابى - آخر الردود : سفير النوايا الحسنة - ]       »     أبدأ دخولك المنتدى بذكر الله والصلاة على الرسول صل... [ الكاتب : الدُقاق - آخر الردود : عيدابى - ]       »     الف الف مبرووك الرجوع [ الكاتب : منذر - آخر الردود : عيدابى - ]       »     سلام [ الكاتب : سفير النوايا الحسنة - آخر الردود : سفير النوايا الحسنة - ]       »     فاقدنك يا غير مسجل [ الكاتب : خالد عبدالله الحاج - آخر الردود : سقيدابية - ]       »     ملخصات العلم في حياتنا الصف السابع ( أ ياسر ) [ الكاتب : ياسر احمد بابكر - آخر الردود : ياسر احمد بابكر - ]       »     عدنا والعود احمد [ الكاتب : ندوش - آخر الردود : ندوش - ]       »     مشالح البدر الأشهر عربياً [ الكاتب : أبو الجواهر - آخر الردود : أبو الجواهر - ]       »     اسطوانه تعريفات لجميع الاجهزه [ الكاتب : الملثم - آخر الردود : اللورد - ]       »    


الإهداءات




أجمل أبيات شعر شايقي

منتدى المرحوم عبد المنعم المختار


إضافة رد
قديم 01-30-2011, 07:13 AM رقم المشاركة : 1
معلومات العضو
عبد المنعم محمد علي مختار

الصورة الرمزية عبد المنعم محمد علي مختار
إحصائية العضو







عبد المنعم محمد علي مختار is on a distinguished road
 

عبد المنعم محمد علي مختار غير متواجد حالياً

 


المنتدى : منتدى المرحوم عبد المنعم المختار
منقول أجمل أبيات شعر شايقي

احبك احبك ويسعدنى حبك وقت يبقى حلوهو مرو
احبك غلبا يقطع والملمو فى الجوف واصرو

إبراهيم ابنعوف

إبراهيم ابنعوف هو شاعري المفضل من الشعراء الشوايقة.


عبد الجليل فتح الرحمن

يلا معاي نرسم شوقك لوحة ريد لي أجمل ريدة
يلا معاي نرسم ريدك مسدار حب لي أحلى قصيدة
يلا معايا..
غيرك ما متخيل روحي في يوم تفرح وتبقى سعيدة
وما اتصورت الدنيا بدونك رغم خيالي وإنو بعيدة
وما بتألم لي أقداري وللأقسام ال الله بريدا
بس في روحي وروحي فداكي ما بستغرب تبقى وحيدة


تراب بلدي...
أشيل منُّو..
أشم وارتاح..
أشم طيبةَ أهلي..

ما عارفه الشاعر منو
درب العشق
11-16-2008, 07:29 AM

اكتبنى ياكاتب القدر
اكتبنى والمحفوظ شهود
اكتبنى انى عشقتها
قبال نرأ النور والوجود قبل الزمان وقبل المكان
وقبال يكون للريد وجود
ودابنعوف

تسلمى والله على الطرح الجميل

الجعلى
11-16-2008, 11:33 AM

ما حبيتك أنا بالصدفة وما اتلاقينا بلا ميعاد

اتلاقينا صباح الدنيا وشلتك منية واتجنستك بالميلاد..

خالد الباشا

بت الحِمودي
11-16-2008, 12:44 PM

إن بقيت ما عرفت إسمي تعال لي جاي
أنا الزول المسطر فوق جدار صمتك غناي
أنا الـروح المـعذبــه في منامي وفي صحاي
أنا الفي الواطا قاعد شايفي فوق نجمك مناي

إبراهيـــــــــــم إبنعــــــــــوف


وانا على يقين انو اي واحد ح يختار ليهو بيت شعر ح يكون الاغلبيه لي

مبدعنا وملك الشعر الشايقي إبراهيــــم إبنعــــوف الله يواليه بالشفااء والعافيه ،،،

BitAlfadul
11-16-2008, 01:07 PM

وانا على يقين انو اي واحد ح يختار ليهو بيت شعر ح يكون الاغلبيه لي

مبدعنا وملك الشعر الشايقي إبراهيــــم إبنعــــوف الله يواليه بالشفااء والعافيه ،،،

آمين يارب.. يسمع منك الله يا بت الحمودي.


الطمبور صديقنا وعزنا وملجانا
وكتين السنين تفتح بوابة أحزانا
مما قمنا نسمع فيهو لا ملينا لا ملانا..

ELDOUSH
11-16-2008, 03:06 PM

يا ما قبلك قيس على ليلى الدموع سكبها ارض الريد سقاها وحوشها وذربها
ضاق المر تعب لما استوت رطبا .. لا جنا للثمار ... لا ضاق حلاة تعبـــها



من قصيدة نصيبك ابا للشاعر حاتم حسن الدابي

عبدالله محمد الجزولي
11-16-2008, 08:24 PM

شكراً بت الفضل وكل الذين شاركوا فى هذا الطرح ابراهيم ابنعوف شاعر قدير ومتمكن وأنا اعجبت كثيرا بأبيات شعر كتبها زمان وقال:
نحف جسمى واصبحت هيكل تقول فى الدنيا مخلوق قبل عاد
مريض الحب خلاص ايامى تمت وخلاص فى الدنيا أكملت العداد
حضروا قبرى واكتبوا فوق نعشى شهيد الحب قتيلك يا وداد
شقتو الروعه دى ؟


بت الحِمودي
11-16-2008, 09:41 PM

مهما اشقى اضوق المره للاهوال اقابل
أبدا ياكتاب حبي المقدس عندي ما يقراك جاهل

إبراهيم إبنعوف،،،

انا يوم اتوسلتا قدامو وركع
قال لي موت بالريده علك ما نفع
انا ماخايف موتي بي موتي إقتنع
انا خوفي كلو عليهو يوم في حب يقع
فجأه يلقى قليبو لي غيرو إتقلع
ويلقى نفسو يقاسي في الليل الهجع

إبراهيم إبنعوف كالعاده،،،

وشكلنا ح نجي كتير بالجد يا بت الفضل الله يطـول في عمروو ابنعوف،،،

الجعلى
11-17-2008, 10:01 AM

كم زرعنا الريد دوالــي أزهرت أغصانو شــال
عتقت خمر الليالــــي بينا عند اللقيا مــــال
واللي كان ياعابرة وينــو ما الزمن ماعندو حـــال
مرة يسقـيك بي إيدينــو ومرة يديك بالنعـــال
عابرة مشتاق لي عيونـك وحاجبة المرسوم هـلال
عابرة كل الدنيا دونــك تافهة والأيام تقــــال[color="red"][[/size][/c



اجمل ما يلامس دواخلي ولا اقول اجمل بيت شعر...هو قول الحاج محمد سرالختم
ارضا يمشي قدمك فوقا عندي انا ضمه عالي سما...وشوفتك لي كسرة وموية الا قست بقت لي عما..




اصحى وصحى المشاعر لبيهو نداء قليبك
ابني طريق من أزاهر يصل بينك وبين حبيبك
معاك تصفي الدنيا تحلى يطيبها يا طيبه طيبك
تعيش سطور السماحه وخيال الناس يحييبك


يمه آه من حالي بعدك
يمه أنا اتعذب وراكي
كنت بفتش عنك أسأل
وماني عارف سر مداكي
أنا كنت فاكر الرحلة برهة
وتاني ترجعي لجناكي
الا سفرك قالو أبدي
يستحيل طبعاً لقاكي

ابومعاوية
11-22-2008, 05:59 AM

مخلوقة تراب الجنة والطيب خالطوبوجسيمة كان حاكة القمر محياها لومافى القمر ضليمة
حبها زادسحب عقليتىماظن تانى تبقه سليمة ومن نظرات عيونة الجارحة قلبى خرب خراب لاديمة
كت فاكر بحورة بعومةلكن صوبت بى الشيمة ل بر السلامة يجيبنى الزرع العنب فى خشيمة

كلمات ابراهيم ابنعوف

درب العشق
11-22-2008, 01:14 PM

لويجدى الشعر ادمنتوا كم سطرته فيهوا قصيد
وترجمت العلى ياغالى لوقول الشعر بيفيد

اكرم محمد خليفة
11-24-2008, 12:23 PM

عاشق عيونك كم سنة معليش خلاص غلطان انا
غلطان عشان من غيرجناح فى دنيتك عايز اطير
غلطان عشان انو النسيم لو مسة لى جسمك اغير

mogdad
11-24-2008, 03:48 PM

سافرى خطوة عديلى توصلى بالسلامة وعينى منها شيلى افراحا ومناما ودعيها الليلى منك بى ابتسامة تبقا زكرة طويلى لايوم القيامة من هناك قوليلى حصل بالسلامة نزرى ماهو بليلى فوقى عجل كرامة

اكرم محمد خليفة
11-25-2008, 12:18 PM

يااخوانى دلونى الطريق كايس لى بيكم مشورة
عاشق يحن ليلو ونهارو اتعب عيونو وسهرا

ahmed
12-13-2008, 08:03 AM

قالت بمشيك بلدنا.....فاقدين واحده من نعما.
ياوفاء ليه تسيبي بلدنا....من غيرك هي شن طعما..
بلدا فتي خليتيها ..تاني بعد ده اخير عدما

mogdad
12-14-2008, 12:09 AM

[QUOTE=ahmed;2969][size="7"][color="red"]قالت بمشيك بلدنا.....فاقدين واحده من نعما.
ياوفاء ليه تسيبي بلدنا....من غيرك هي شن طعما..
بلدا فتي خليتيها تاني بعدا اخير عدما


مانفسي الزمان هداها يا وفاء بالشمع ختما
كرها شيتا اسمو سعادي في الدنيا وقطع عشما
ليه يا امدر تشيلي وفاي تحسدي الصحراء في سلما[CENTER]
صبحت بي مشيكي بلدنا فاقدين وحده من نعما[

صوتك انتي في عيني تحوم زي الله ما رسما

شوفتك عندي كسري ومويه علي قست بقت لي عما /CENTER]

سميه عوض خضر شامي
12-14-2008, 10:41 AM

انت الفتحت الباب وقت للخصام ادخل وانت الزرعت الشوك وقلعت شجر الفل
والله يالمريود خليتني فيك محتار مرات بشوفك نور ومرات بحسك نار
البيت الثالث هو
مجنون ليلي عارفك عارفو وعارفك بجميل سمعان
لكن مااظن سمعت بي عطش البيموت غرقان

azer
12-14-2008, 09:00 PM

أذن منادى الشوق ياماشى قول لي
نمشيلا من غير زاد فى المشية والجية
ضمينى بالاحضان بلدى الشمالية

محي الدين
12-16-2008, 03:32 PM

لما شفتك ..
قلبي دقّ .. واهدى للزمن ارتعاشة
والعيون في عز خريفا عانق الاحساس دعاشا
الخطاوي تراها ماشة ماني عارف وين هي ماشا
والربيع فوح زهورو بانتظارك يا فراشة
كان تقولوا قصيدة عشان اختارها كلها
الشاعر رامي قسم السيد

علي حسن محمد
12-17-2008, 11:21 AM

أمانة عليك تخت بالك علي الجواك علي الحلم البنينا بيوت
علي السر الدفـــــنا كـــــــــــــلام تحت وجع الليالي سكوت

وضاح بشير
12-17-2008, 07:46 PM

يا ساكنه ما بين الضلوع في روحي جوه سواد عيني
انا قلبي ملكك من زمان كل ما تجرحي نبضو حي
ماانتي اقرب ليهو مني وانتي اقرب منو لي
ماطال مسكنك الفواد انا ليه اوريك العلي

اغنيه جيتيني للرائع محمد خير درو
الحان وغناء بابكر البرصه
وديلمن المفضلين عندي بالاضافه الى الاستاذ: محمد احمد الحبيب

علي حسن محمد
12-19-2008, 12:10 AM

أهلي الرزق كان ضاق وكان من خرم أبرة
مافيهم المحـــــتاج لي لقمة الكســــــــــــرة
هم للشعوب عنوان في الطيبة والعـشــــرة
وفيهم بشاشة الروح مأخوذة بالفــــــــطرة


(هذه الكلمات للاستاذ الرائع أبداً أحمد سيدأحمد)

عبدالرحمن عثمان علي
12-19-2008, 01:57 PM

أشوف بين السطور أنوار بتتلألأ
تشع من سين وعين وألفا السبق دالا

اب دربين
12-24-2008, 12:22 PM

الوجيه زي نور الصباح من ورا الظلمات دامسه
لا الظلام يطغي علي الصباح لا الصباح يخترق المسا
والعيون زي جدي الغزال واسعي تتحدي موانسه
والرموش الفوق فاترات للتحت دايري تلامسه
شوقن انو يقالدن بعض والوصال بيناتن قسي
ومابيطيب القلب ان وقع بين رموش عينين ناعسه

كلمات الاستاذ حاتم حسن الدابي
غناء خالد عثمان نجيب

تقديري واحترامي

Kamal Awad Elhardaloo
01-01-2009, 03:12 AM

سلام بت الفضل لك الود وللاسره الكريمه Happy new year---- انا ما عارف الشاعر لكن ياثرني قوله :____

يا حلات ليلا معاك مادرنا يصبح---- وياحلات صبحا تكون انت المصبح

عديله عليك مشاويرك عديلي
وايضا قول الشاعر
خايفي كان سافرت ترجع تلقى فاضي البيت بلاى --- وحينه ماب تنفع قروشك وماب تجيبلك ام سوايا

الانصارى
01-01-2009, 03:38 PM

انا اصلو ربى خلقنى ليك ورسمك جواى


وكتب لك انو تعيش براك واعيش براى

اللهم ارحم عبد الله محمد خير بقدر ما اشجانا

صلاح رغيم
01-01-2009, 06:20 PM

منادى الشوق ينادى وداير ارجع لى بلادى
احضن الحلوين واغرد وانسى الامى وسهادى

عبد الرافع عباس
01-01-2009, 07:50 PM

احفظني في جواك فرح بلسم تداويبوا الالم زي حفظي ليك بين الضلوع انت وقليبي انا جم جم

قمر الدين
02-08-2009, 03:39 PM

من غير زاد بلا ميعاد تسوقنى خطاى اسافر ليقرى الاجداد
هناك اهلى... محل جهلى.... مكان اجدادى بالميلاد
الدوام ساجدين فيشان الدين وجارين السبح عباد
بلادى انا حور نغم طمبور زغرودة فرح وانشاد
تشم فى الطين تقول ياسمين تنتشى والفرح يزداد

حنين
02-09-2009, 10:28 AM

يا عابره مجرى الدم شايلاك شرايينى......... وانا بي لقاك مهتم بس كيف تلاقيني
....... لو عمرى اتقدم واضمن تلاقينى.....من بعدو ما بندم لو مت في حيني. (الحبيب)

قمر الدين
02-09-2009, 12:51 PM

فيك بمزح رويحتي وأغني اجيب ألحان
اتمايل طرب وارقص دوام نشوان
وارسم بى دموع الفرحة انا الفنان
لوحات ما بتمر يوم بى خيال انسان
وأهدي الناس جميل ألحاني ما ندمان
ما دام انت سر لوجودي اعيش فرحان


الشاعر السر عثمان الطيب

شايقية
02-23-2009, 04:50 PM

لو ما بشوفك في المنام
ما نمت مدة ما حييت
ولو ما عشم رؤياك صباح
من نومي أبداً ما صحيت
وطبعاً كل شعر الشايقية من غير فخر ما فيها كلام على الإطلاق

قمر الدين
02-24-2009, 10:37 AM

شوقي ليها ولي نعيما وفوقنا دايماً راشة غيمة
روحي من الغربة ضاقت دايرة ترجع لي قديمة
كل ما نطرى بلدنا ديمة تنهمر دمعات أليمة
نحن إخلاصنا ووفانا لي بلدنا بقالنا شيمة

السر عثمان الطيب

مبارك عباس
02-24-2009, 01:57 PM

حيلك كلو في عينيك والاييد ماخلقلها حيلي ايدك تتعبا الهبابة والعين متعبالا قبيلي

مبارك عباس
02-24-2009, 02:04 PM

انا ان نسيت مابنسا مرة كيف في بعدك عشت مرة
كان اخير اقعدهناكواعيش ولو بي كسري مرة
تبقى حلوي في بلاااااااااااااااااااادي

قمر الدين
02-24-2009, 03:55 PM

أنا لو ماكت بخاف من الله الحساب
وأخشى انتو تقولوا كضاب
أنا كت بحلف فوق الكتاب
آسيا من نور ماك من تراب

يوم رحيله أنا كت داير أموت
وصفر البابور داير يفوت
البحر صفا ليها مبسوط
وشوف عيني أتشرف الحوت

ابراهيم الزومة

علي ابوادريس
02-27-2009, 09:49 PM

شكرا بت الفضل بت فتنة بت بلدي على الفكرة الجميلة دي .....
البيت الاول:
درب من دم مابيودي حرب سبا حرب حرام
تشيل وتشيل مابتدي عقب اخرتا انهزام....
بطانة شيطان قديمة بعد دا منو العرشو دام
اذا الانسان مالا قيمة عليش خلفو سام وحام
وهذا للشاعر الكبير حميـــــــــــــــــــــد............
البيت الثاني:
الزول الحقيقة من الغرام مصيود
يصنع من براكين حبو جبة وتوب
يصبح زاتو في ألفية اللالوب....
ولا ملان قيود في دامر المجذوب
الريد سرطان كان حصل الحي وووووب
ودا الداء الخبيث الما بتعالجو حبوب
مهما كان علاجو بلا هوى المحبوب وآلاف السنين مابنتهي الميكروب
اسع كان هو حارص ولا ماهو لعوب
لا اندفق اللبن لا انكسربو الكوب
يلحق شمسو قبال تاني تبقى غروب
ولا يلملم اطرافو ويقول الروووووووووووب
وهذا لشاعرنا الفاتح ابراهيم بشييييير
وشكـــــــــــــــــــــــــــــــــــــــــــــــ ــــــــــــــــــــــــــــــــــــــــــــــرااا ااااااااااااااااااااااااااااا
&#$@@@@@@@@@@@@@@@@@@@@@@@@@@@@@

قمر الدين
03-01-2009, 08:23 AM

ومره شافت فى رؤاها طيره تاكل فى جناها
حيطه تتمطى وتفلع فى قفا الزول البناها
فى جنينة سيدى سمعت تمره تصقع للوراها
الارض لا بد ترجع للتعب فوقا ورعاها


حميد

zakitag
03-08-2009, 02:27 PM

مشكور علي الابداع واستحداث المواضع وهذا الموضع شيق اذ يحمل الناس علي المنافسة في تزوق حلاوة الشعر الشايقي بس افضل .......
راجنك تمرقي يشوفو كيف ايـد الله فيكـي جميلـي
قالوا المويه من ايديك دوو يشفي الرويحتو عليلـي
لوبلقالي منها شربة في السنة مرة تشفـي غليلـي
عودك حكمة السواهو زودو فوق ندايـدو خصيلـي
ضيعو وسوه لين خوفي ينعقد أوعي تنسـي تميلـي
وحيلك كلو في عينيك والأيـد مـا خلـق لهاحيلـي
ان الناسي ماتمشي بعيد عشان تكثف البحث في منطقة تنقاسي لان المنتدي اسم منطقة تنقاسي وليس. (اوسلي)

قمر الدين
03-15-2009, 09:42 AM

ليك برسل تحياتي
بضمنه موتي وحياتي
أتكرن وأمشي فلاتي
عليك يازهرة الشاطي


حسن الدابى

zakitag
03-19-2009, 02:02 PM

لي زيارة كسلا راحن
شوف عيني
التكاس اتبرعن
والضرايح ذات رجن
ودار يقوملها سيدي الحسن

قمر الدين
03-19-2009, 04:08 PM

طيفك في المنام يا سمحة لو مرة وغشاني
كان كفكف دموع عينيا كان في الحال شفاني

النزير محمد احمد البشير
03-19-2009, 04:35 PM

لو تصدقى يا محاسن لما خبرك جا وصلنى
جيت فى ليلة زفافك بى رضاى وقصد منى
جيت امد ايدى البترجف لى ايادى ملانى حنى

قمر الدين
03-23-2009, 03:40 PM

اعدى شتاها صيفا يجينى بيحرا شديد لفاح
فيه شرابى دمعات عينى اطمن فى القليب الناح
اقول داك السحاب جاينى شوف يداك بريقو الاح
اقول يبقى الخريف طارينى يتفرق عصار ورياح
امسى والمنام جافينى والكون كلوا نام وارتاح
ابكى واشكى للغاشينى طول سهرى البدون ارباح
نجماته القبيل بتجينى خلنى بقن مرواح
ليهما دوام راجينى وفرحا الا اصيح لو صياح

اراحيل
04-04-2009, 11:04 AM

خليني اتنفس هواك واتلعسمك
معنه وافج كل الحرف الدايرة في قلبك تحج
تكتب نجاتي علي رصيفك واندرج

قمر الدين
04-06-2009, 09:30 AM

والدليب ان دق حس طمبورنا رن..
زغرتن بنوتنا في الدار ان دخلنا ..
يرقصن قدامنا و الشبال يصلنا...

ود السنجك
04-06-2009, 11:11 AM

والله ياست الجمال انا ماني باكي علي ضياع امالي فيك
ولا حتة نادم حظي ساعت جابني ليك
وخلاص قنع قلبي القبيل ميال عليك
يقنتو ياست الجمال وعلمتو مايشتاق يشيل الشوق يجيكمشكورين علي الاضافات

اراحيل
04-06-2009, 11:38 AM

الناس مابتقاس بالزينا والملبس
ولابجمال وجوها يوماتي تتملس
الانسان يحكمو ضميرو علني ودس
يظهر باطنو كيف والغالي مابيرخس

قمر الدين
04-06-2009, 03:46 PM

قبلك قيس على ليلى الدموع سكبه ارض الريد سقاها وحوشة وزربه
ضاق المر تعب لما استوت رطبه لاجنى للثمار لاضاق حلاة طعمه
عنتر ياما امثال فى الغرام ضربه وراء عبله السنين الرايحه ماحسبه
مسكين منو ضاعت وضاع هو فوق دربه بكت سحب الخريف والبادية بيعربه

حاتم حسن الدابى

النزير محمد احمد البشير
04-06-2009, 04:05 PM

القدم كان ليه رافع قاسى بعدك يوم اوادع
ان فضل فى عمرى ثانية تانى لابد ليك راجع

قمر الدين
04-07-2009, 04:37 PM

منادى الشوق ياماشى قول ليـــــــــــــــه
نمشيها من غير زاد فى السفره والجيه
ضمينى بالاحضان بلدى الشماليـــــــــه

TANGASAWI
04-07-2009, 05:34 PM

اصلي واعبد الباري
اقيم ليلي واصوم نهاري
عشان الشاغله افكاري
الشلوخا قضيب الكباري

انا اعتقد ان هذا اجمل بيت شعر شايقي لانه تحدث عن رمز الشايقيه (الشلوخ )والتي شبهها بالقضيب
الذي تعمل به الكباري.

انا لااذكر الشاعر

تنقساوي

اراحيل
04-08-2009, 11:24 AM

شن قدرك ياقلبي تجفا من حبيب تتقابة للعرفة وتطش

قمر الدين
04-08-2009, 01:33 PM

سالت دموع أنهار جسر الصمود إنهار
عارفى العدم جبار مر ما بيراعى صغار
إلا الفقر مـو عار بـس للوجوه شــــواه

حاتم حسن الدابى

درب العشق
04-09-2009, 12:37 AM

معروز فى جواى ريد
محفوره ساساتك غراق

اراحيل
04-09-2009, 11:16 AM

اوعديني اطل صباحك لو ليالي الغربة طالو
وسديني حنان قليبك استريح وارقد قبالو
صبريني الصبر ضايق ومابيه تتمددحبالو

اراحيل
04-11-2009, 11:14 AM

متين ترجع قبل اضهب
تنور بين ضلامي تلوح

تقش دمع الشقا السرب
تبل ريق الغناء المبحوح

اراحيل
04-12-2009, 07:25 PM

سراب مابروي للعطشان
وهم كضاب اتاريكة
سقيتني حناضل الحرمان
وانا المستني اصافيكة
تصدق عمري ماتخيل يموت حتي الضمير فيكة

الدبابيه
04-18-2009, 09:31 PM

بطالع فى بدر فتق الخمار طالع
وبطالع فى القوام الامرد الفارع
وبطالع فى نجمر بيكى وبلاك والع

وبطالع فى النفس لا يبقى مو طالع


تحياتى

الدبابيه
04-18-2009, 09:33 PM

حلاه الريده وكتين تبقى صح صح
ويا حلاه العشره وكتين تصفا تفرح
وياحلاه ليلا معاك ما درنا يصبح
ويا حلاه صبحا تكون انتا المصبح

نزار الشايقى
04-18-2009, 11:35 PM

قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق

الدبابيه
04-20-2009, 04:10 AM

قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق

جميل ياخى روعه



اراحيل
04-23-2009, 11:50 AM

المتلي ماتربات هوان شان انت تمسحبو التراب
وماكان حديث شفع زمان شان ننصلح نرجع صحاب


H[lg Hfdhj auv ahdrd







التوقيع

[frame="3 98"]
دَرْسٌ من اللهِ للإِنْسَانِ عِبْرَتُه:
أَنَّ الفَرِيسَةَ قَدْ تَصْطَادُ صَائِدَهَا
!


[/frame]

رد مع اقتباس
إضافة رد

مواقع النشر (المفضلة)

 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
اى انا شايقى شايقى اى$$$$$$$$$$$$ منذر منتدى الأدب والثقافة والفنون 6 05-29-2011 07:34 AM
هل انت شايقي بنت الخضر منتدى الحوار العام 1 11-22-2010 09:21 AM
نداء لكل شايقي ... أحمد عبد الرحمن مدير منتدى الأدب والثقافة والفنون 8 07-23-2010 07:07 PM
هل انت شايقي خالد سيداحمد منان منتدى الأدب والثقافة والفنون 8 03-23-2010 07:15 AM
انت شايقى؟؟؟؟؟ سحر منتدى الحوار العام 19 07-05-2009 09:23 AM


Loading...


هذا الموقع يستخدم منتجات MARCO1